काठमाडौं । सभामुख अग्निप्रसाद सापकोटा आजदेखि सरकारी सेवा सुविधा छोडेर नीजि निवासमा फर्कनु भएको छ ।
मंसीर ४ गते हुने प्रतिनिधिसभा र प्रदेशसभाको निर्वाचनको समानुपातिक सूचि निर्वाचन आयोगमा बुझाए लगत्तै सभामुख सापकोटालाई सरकारी सेवा सुबिधा छाड्न दवाब परेको थियो ।
आज पत्रकार सम्मेलन गर्दे सापकोटाले आगामी मंसिर ४ गते हुने प्रतिनिधि सभा निर्वाचनमा उम्मेदवार नबन्ने घोषणा गर्नुभएको थियो।
उहाँले लगातार ३ पटकसम्म आफूलाई निर्वाचित गराएर राष्ट्रिय भूमिका निर्वाह गर्ने र जनताको सेवा गर्ने अवसर दिएको भन्दै सिन्धुपाल्चोकका मतदाताप्रति आभारसमेत व्यक्त गर्नुभएको छ ।
