काठमाडौँ । नेकपा (एमाले) अछाम जिल्ला समन्वय कमिटीका संयोजक प्रकाश शाहले राजीनामा दिएका छन् ।
नेता डा. भीम रावललाई टिकट नदिएको भन्दै उनले पदबाट राजीनामा दिएको घोषणा गरेका हुन् ।
जिल्ला समन्वय कमिटीले भीम रावललाई अछाम क्षेत्र १ बाट सर्वसम्वत रुपमा प्रतिनिधिसभा निर्वाचनको लागि सिफारिस गरेको थियो ।
कमिटीको सिफारिसविपरीत केन्द्रले अरुलाई नै उम्मेदवार बनाएकोमा नैतिकताका अधारमा उक्त पदमा बसिरहन नहुने ठहरसहित आफूले राजीनामा दिएको शाहले उल्लेख गरेका छन् ।
