काठमाडौं । नेकपा एमालेमा विद्रोही स्वर उच्च बनाउँदै आएका नेता भीम रावलले आगामी संघीय चुनावमा पार्टीका तर्फबाट टिकट नपाउने भएका छन् । स्रोतका अनुसार, अछाम–१ बाट झपट बोहोरालाई टिकट दिइएको छ ।
नेकपा माओवादी केन्द्र छोडेर आएका बोहोरा एमाले केन्द्रीय सदस्य एवम् अछाम इन्चार्जका रुपमा रहेका छन् । अध्यक्ष केपी शर्मा ओलीले तिनै बोहोरालाई उम्मेदवार बनाउने निर्णय सुनाएका हुन् ।
एमालेले टिकट वितरणको अधिकार अध्यक्ष ओलीलाई दिएको छ । त्यसै अनुसार, ओलीले टिकट फाइनल गरेका हुन् ।
अछाम जिल्ला कमिटीले भने भीम रावललाई सर्वसम्मत एकल सिफारिस गरेको थियो ।
यसैबीच, अर्का विद्रोही नेता योगेश भट्टराईलाई ताप्लेजुङबाट उठाइने भएको छ । उनको नाममा अध्यक्ष ओलीले सहमति जनाएका थिए ।
२०७४ मा वाम गठबन्धनको तर्फबाट चुनाव जितेका भट्टराईसँगै तिलकुमार मेनेङ्बो पनि यसपटक आकांक्षी थिए । मेनेङ्बोलाई प्रदेशसभामा राखेर योगेशलाई प्रतिनिधिसभा सदस्यको टिकट दिइएको छ ।
