काठमाडौँ । नेकपा (एकीकृत समाजवादी) का केन्द्रीय सदस्य र प्रदेशसभा सदस्यसहित नेता तथा कार्यकर्ता नेकपा (एमाले) प्रवेश गरेका छन् ।
एमाले अध्यक्ष केपी शर्मा ओली निवास बालकोटमा आयोजित कार्यक्रममा समाजवादीका केन्द्रीय सदस्य तथा मधेश प्रदेश प्रमुख सचेतक सुन्दर विश्वकर्मा, प्रदेशसभा सदस्य सीता गुरुङ, सुरेश यादवलगायत नेता तथा कार्यकर्ता एमालेमा प्रवेश गरेका हुन् ।
पार्टी प्रवेश कार्यक्रममा लोकतान्त्रिक समाजवादी पार्टी (लोसपा) का नेता तथा कार्यकर्ता पनि एमालेमा प्रवेश गरेका छन् ।
एमाले प्रवेश गर्ने सबै नेता तथा कार्यकर्तालाई एमाले अध्यक्ष ओलीले टीका तथा खादा लगाई स्वागत गर्नुभएको थियो ।
