काठमाडौं । दशरथ रङ्गशालामा जारी बंगलादेशविरुद्धको अन्तर्राष्ट्रिय मैत्रीपूर्ण खेलमा नेपालले अग्रता लिएको छ ।
खेलको १८ र २७ औँ मिनेटमा नेपालका लागि अञ्जन विष्टले गोल गरेका हुन् ।
विष्टले पहिलो गोल विमल घर्तिमगरको मद्दतमा गरेका थिए । विमल घर्तिमगरले राइट कर्नर नजिकैबाट हानेको फ्री किकलाई अञ्जनले हेडरमार्फत सुन्दर गोल गरे ।
नेपाल र बंगलादेशबीच विभिन्न प्रतियोगिता र मैत्रीपूर्ण खेलमा गरी २४ पटक प्रतिष्पर्धा भएको छ । जसमा बंगलादेशले १२ खेल जितेको छ भने नेपालले ७ खेल मात्रै जितेको छ । ५ खेल बराबरीमा सकिएको छ ।
