काठमाडौं । दशरथ रंगशालामा भईरहेको बंगलादेशविरुद्धको अन्तर्राष्ट्रिय मैत्रीपूर्ण खेलका लागि नेपाली राष्ट्रिय फुटबल टिमको सुरुआती ११ जना सार्वजनिक भएको छ ।
पहिलो पटक राष्ट्रिय टोलीको प्रशिक्षण सम्हालेका प्रशिक्षक प्रदीप हुमागाईंले किरण चेम्जोङ, सुजल श्रेष्ठ, अञ्जन विष्ट लगायत सिनियर खेलाडीलाई पहिलो रोजाइमा राखेका छन् ।
नेपालको सुरुवाती ११ जनामा किरण चेम्जोङ (कप्तन, गोलकिपर), रोहित चन्द, अनन्त तामाङ, दीनेश राजवंशी, सुमन अर्याल, तेज तामाङ, सेसेहाङ आङदेम्बे, विशाल राई, सुजल श्रेष्ठ, विमल घर्तिमगर, अञ्जन विष्ट रहेका छन् ।
नेपाल र बंगलादेशबीच विभिन्न प्रतियोगिता र मैत्रीपूर्ण खेलमा गरी २४ पटक प्रतिष्पर्धा भएको छ । जसमा बंगलादेशले १२ खेल जितेको छ भने नेपालले ७ खेल मात्रै जितेको छ । ५ खेल बराबरीमा सकिएको छ ।
