काठमाडौँ । अखिल नेपाल फुटबल संघ (एन्फा)ले मंगलबार हुने नेपाल र बंगलादेशबीचको मैत्रीपूर्ण खेलका लागि टिकट मूल्य निर्धारण गरेको छ ।
यस मैत्रीपूर्ण खेलका लागि भिआइपीतर्फ १ हजार र पाँच हजार तथा साधारण तर्फ प्रति टिकट ५ सय रुपैयाँ तोकिएको छ ।
एन्फाले भिआइपीतर्फका सिमिति सिटको प्रति टिकटको मुल्य ५ हजार सम्म तोकेको हो । ८० वटा सिट ५ हजार टिकटका लागि छुट्याइएको बताइएको छ । यो मूल्य हालसम्मकै महँगो रहेको छ ।
यसअघि २०७७ चैतमा भएको थ्री नेसन्स कपको फाइनलमा भिआइपीतर्फ २ हजार र साधारणतर्फ १ हजार रुपैयाँको टिकट दर तोकिएको थियो ।
नेपाल र बंगलादेशबीचको मैत्रीपूर्ण खेल भोलि साँझ दशरथ रंगशालामा ५ः३० बजे सुरु हुनेछ ।
