काठमाडौँ । २०७४ सालको प्रतिनिधिसभा र प्रदेशसभा सदस्यको बन्दसूची भोलि असोज १ गतेदेखि स्वतः खारेज हुने भएको छ । निर्वाचन आयोगले हालसम्म कायम बन्दसूची असोज १ गते मध्यराति १२ बजेदेखि स्वतः खारेज हुने निर्णय गरेको प्रवक्ता शालिग्राम शर्मा पौडेलले बताउनुभएको छ ।
यही असोज २ र ३ गते आगामी मंसिर ४ गते हुने प्रतिनिधिसभा र प्रदेशसभा सदस्य निर्वाचनका लागि समानुपातिकतर्फको बन्दसूची बुझाउने निर्वाचन कार्यतालिका छ ।
अघिल्लो निर्वाचनको बन्दसूची कायम भएको अवस्थामा त्यतिबेला बन्दसूचीमा परेकाहरुलाई आगामी निर्वाचनको बन्दसूचीमा समावेश गर्न मिल्छ वा मिल्दैन भन्ने अन्योल आयोगले समाप्त गरिदिएको हो ।
