काठमाडौँ । स्वर्गीय महारानी एलिजाबेथ द्वितीयाका पुत्र राजकुमार चार्ल्स बेलायतको नयाँ राजा बनेका छन् । उनलाई उत्तराधिकारी घोषित गर्दै बेलायतको राजगद्दी हस्तान्तरण गरिएको बीबीसीले जनाएको छ ।
महारानीको निधनको शोक कायमै रहेकाले कुनै ठूलो समारोहको आयोजना नगरी राजगद्दी हस्तान्तरण गरिएको जनाइएको छ ।
उनले भविष्यमा राजगद्दी सम्हाल्दा प्रयोग गर्ने नाम तय भइनसके पनि राजा चाल्र्स तृतीय नामले शासन गर्ने वा हजुरबुबाको थर राखेर राजा बन्ने भन्ने चर्चाको विषय बनेको छ । यद्यपि सो तय गर्ने जिम्मा स्वयं राजकुमार चाल्र्सलाई नै सुम्पिइएको छ ।
बेलायतको बकिङ्घम राजदरबारका अनुसार राजमुकुट पहिर्याएर औपचारिक राजा घोषणा गर्ने कार्य केही समयपश्चात् हुने छ ।
उनकी आमा महारानी एलिजाबेथ द्वितीयाले आफ्ना बुबाको निधनपश्चात सन् १९५२ मा बेलायतको राजगद्दी सम्हालेका थिए । ९६ वर्षमा महारानीको बिहीबार निधन भएको थियो ।
