काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले गठबन्धनमा सीट बाँडफाँट टुंगिने चरणमा पुगेको बताउनु भएको छ ।
पार्टीको सुदूरपश्चिम प्रदेश प्रशिक्षणका लागि मंगलबार धनगढी पुग्नु भएका प्रचण्डले भोली बेलुकी सम्ममा सीट बाँडफाँट टुंगिने बताउनु भयो ।
उहाँले भन्नुभयो ‘कांग्रेस १०० सीट दाबी गरेको थियो ८० को वरिपरि आउने सम्भावना बढ्दो छ । हामीले ६० भनेका छौं केही तलमाथि होला ।
समाजवादीको २५ वरिपरि होला ‘यसैलाई आधार बनाएर अहिले सबैजना बसेर टुंग्याउने छौं । मिल्न बाँकी भयो भने शीर्ष नेता बसेर टुंग्याउँछौं ।’
प्रचण्डले सत्ता गठबन्धनले प्रभावकारी तालमेल गरेरै निर्वाचनमा जाने बताउदै आफ्नो नाम विभिन्न क्षेत्रबाट सिफारिस भए पनि चितवन क्षेत्र नम्बर ३ बाटै उठ्ने जानकारी दिनुभयो ।
