काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले प्रतिनिधिसभा सदस्य पदबाट राजीनामा दिने हुनुभएको छ ।
प्रतिनिधिसभा सदस्यको निर्वाचन घोषणा भइसक्दा पनि संसद्को कार्यकाल लम्ब्याउने क्रियाकलाप भएको भन्दै उहाँले राजीनामा दिने बताउनुभएको हो ।
“प्रतिनिधिसभाको कार्यकाल लम्ब्याउने क्रियाकलाप म एक्लैले रोक्न सक्तिनँ”, न्युजपोलारसँग उहाँले भन्नुभयो, “सेवा सुविधा लिने र आफ्नो कार्यकाल आफैँले लम्ब्याउने प्रक्रिया निर्लज्जताको पराकाष्ठा हो ।”
आइतबार बस्ने प्रतिनिधिसभाको बैठकमा आफूले सांसद् पदबाट राजीनामा घोषणा गर्ने उहाँले बताउनुभयो ।
