काठमाडौं । नेपाल ल क्याम्पसका कानुन संकायका एल.एल. एम्. तहका विधार्थीहरुद्वारा क्याम्पसमा ताालाबन्दी गरिएको छ । कोरोना संक्रमण बढ्दो रुपमा रहेपनि क्याम्पस प्रशसनले विधार्थीहरुमाथीको स्वास्थ्यमाथी खेलबाड गर्दै परिक्षा लिन लागेको भन्दै क्याम्पसमा तालाबन्दी गरिएको हो ।
त्रिभुवन विश्वविधालय, कानुन संकायले भदौ (९ गते) भोली देखि दोस्रो सेमेष्टरको अन्तिम परिक्षा लिने भन्दै सुचना प्रकाशन गरेको छ । यता कानुन संकाय एलएल. बी. मा पनि नयाँ भर्ना गर्ने अन्तिम मिति आज रहेकोले विधार्थीहरुको चाप क्याम्पसमा निकै रहेको थियो । एल.एल. एम्. तहका विधार्थीहरुद्वारा क्याम्पसमा तालाबन्दी गरिएपछि कानुन संकाय एलएल. बी. मा नयाँ भर्ना गर्न आउने विधार्थीहरुले पनि भरिसकेको फारम समेत बुझाउन नपाएको गुनासो गरेका छन् ।
उता एल.एल. एम्. तहका विधार्थीहरुले भौतिक रुपमै लिने परिक्षाको खारेजीसंगै परिक्षालाई हालका लागि स्थगित, र वैकल्पिक माध्यमद्वारा परिक्षा लिन समेत नेपाल ल क्याम्पस प्रशासनलाई अनुरोध गरेको छ ।
नेपाल ल क्याम्पस प्रशासनमा तालाबान्दी गर्नेहरुमा विहानी समुहका एल.एल. एम्. दोस्रो सेमेष्टर २०७६ ब्याच, दिवा समुह एल.एल. एम्. दोस्रो सेमेष्टर र नेशनल ल कलेज एल.एल. एम्. दोस्रो सेमेष्टरका विधाथीहरु रहेका छन् ।
