काठमाडौँ । काठमाडौँ महानगरपालिकाले आज त्रिपुरेश्वरस्थित राहदानी विभागमा कारबाही चलाउने भएको छ ।
विभागभित्र रहेको पार्किङ एरिया खाली गराउनका लागि महानगरले यस्तो कदम चाल्न लागेको हो ।
दुई–तीन पटक पार्किङ एरिया खाली गराउनका लागि चिठी पठाए पनि विभागले अटेर गरिरहेको छ । उक्त स्पेस अरु नै काममा प्रयोग भएपछि सेवाग्राहीले पार्किङका लागि असुविधा भोग्दै आएका छन् । जसकारण महानगरले बल प्रयोग गरेर सो स्थान खाली गराउन लागेको हो ।
महानगरका मेयर बालेन्द्र साह (बालेन) आफैं भने फिल्डमा उत्रिएका छैनन् । महानगरका नगरप्रहरीहरु पार्किङ खाली गराउनका लागि खटिइसकेको छ । एसपी राजू पाण्डेको नेतृत्वमा नगरप्रहरीको टोली विभागमा पुगेको छ । आवश्यक परेको खण्डमा डोजर पनि चलाइने बताइएको छ ।
