काठमाडौं । नेकपा (एमाले)ले नयाँ दल नेकपा (एकीकृत समाजवादी) पार्टीमा गएका नेतालाई निष्कासन गर्ने निर्णय गरेको छ।
आज (बिहीबार) ललितपुरको च्यासलस्थित तुलसीलाल अमात्य स्मृति प्रतिष्ठानमा बसेको केन्द्रीय कमिटी बैठकले नयाँ पार्टीमा गएका नेतालाई कारबाही गर्ने निर्णय गरेको हो । “नयाँ पार्टीमा गएका नेतालाई एमालेबाट निष्कासन गर्ने निर्णय गरेका छौं,” पार्टी प्रवक्ता प्रदीपकुमार ज्ञवालीले भने।
एकीकृत समाजवादीमा गएका नेताको नाम पार्टीको अभिलेखबाट हटाउने निर्णय पनि गरेको उनले बताए । यस सम्बन्धी निर्वाचन आयोगलाई जानकारी दिइने भएको छ।
यस्तै नयाँ पार्टीमा गएका नेता तथा कार्यकर्तालाई एमालेमै फर्किन केन्द्रीय कमिटीले आग्रह पनि गरेको छ।
