काठमाडौँ । कीर्तिपुर नगरपालिकाले पनि मापदण्डविपरीत बनाइएको भौतिक संरचना हटाउन सुरु गरेको छ ।
काठमाडौँ महानगरपालिकाले अनधिकृतरुपमा बनाइएका भौतिक संरचना हटाउन थालेसँग कीर्तिपुर नगरपालिकाले पनि सो कामलाई अघि बढाएको छ ।
नगरपालिकाले वडा नं १० मा मापदण्डविपरीत बनाइएको पर्खाल भत्काएको छ । सो पर्खाल मापदण्डले तोकेकोभन्दा बढी उचाइको भएको र नक्सासमेत नरहेको पाइएको नगरपालिकाले बताएको छ ।
नगरपालिकाले सार्वजनिक जग्गामा संरचना नबनाउन, मापदण्ड विपरीत र नक्सा पास नगरी भौतिक संरचना नबनाउन अनुरोध गरेको छ ।
