काठमाडौं । नेतृ सरिता गिरीले आगामी प्रतिनिधिसभा निर्वाचनमा स्वर्गिय प्रदीप गिरीको क्षेत्रबाट चुनाव लड्ने घोषणा गरेकी छन् ।
सरिता गिरीले सामाजिक सञ्जालमार्फत आगामी निर्वाचनमा सिरहा १ बाट चुनाव लड्ने घोषणा गरेकी हुन् । साथै,उनीले चुनावमा आफुलाई सहयोग गर्नको लागि आग्रह समेत गरेकी छन् ।
लामो समयसम्म मधेस केन्द्रित दलमा रहेर राजनीति गर्दै आएकी गिरीले बुधबार मात्र सदभावना पार्टी परित्याग गरेकी थिईन् । उनले प्रदीप गिरीको आग्रहअनुसार आफूले सदभावना पार्टी परित्याग गरेको बताएकी थिइन् ।
उनले सामाजिक सञ्जालमा लेखेकी छन्, ‘म सिरहाको १ नम्बर निर्वाचन क्षेत्रबाट सांसद पदका लागि निर्वाचन लड्न गइरहेको छु । यो आधिकारिक घोषणा हो । सबैजनासँग सहयोगका लागि विनम्रतापूर्वक आग्रह गर्दछु’ ।
सरिता दिवंगत कांग्रेस नेता प्रदीप गिरीकी भाइबुहारी हुन् ।
