रामेछाप । नेकपा (एमाले0 का सचिव योगेश भट्टराईले वर्तमान गठबन्धन सरकारले संसद्बाट बलपूर्वक नागरिकता विधेयक पारित गरेको आरोप लगाउनुभएको छ ।
प्रेस चौतारी रामेछापले आइतबार रामेछापको मन्थलीमा गरेको पत्रकार भेटघाट कार्यक्रममा उहाँले राष्ट्रपतिले सन्देशसहित पुनर्विचारका लागि फिर्ता पठाएको विधेयकलाई शेरबहादुर देउवा सरकारले बलपूर्वक पारित गरेको बताउनुभयो
उहाँले दोस्रोपटक गएको विधेयकलाई राष्ट्रपतिले प्रमाणीकरण गर्नुको विकल्प नभएको उल्लेख गर्दै आगामी प्रतिनिधिसभा निर्वाचनमा एमाले सरकारमा पुगे नागरिकतासम्बन्धी कानूनलाई परिवर्तन गर्ने बताउनुभयो ।
नागरिकता जस्तो विधेयकमा राष्ट्रिय सहमति बनाएर जान एमालेले आग्रह गरेको भन्दै सचिव भट्टराईले नागरिकताको सवाललाई वर्तमान सरकारले ख्यालख्याल जस्तो सोचेको टिप्पणी गर्नुभयो ।
