काठमाडौँ । काठमाडौँ उपत्यकाबाट फोहोर बोकेको गाडीलाई अवरोध भएपछि बञ्चरेडाँडा ल्यान्डफिल साइटमा ठूलो संख्यामा प्रहरी परिचालन गरिएको छ ।
विभिन्न राजनीतिक दलका प्रतिनिधिसहित स्थानीयवासीको समूहले फोहोर बोकेर बञ्चरेडाँडामा सोमबार बिहानैदेखि अवरोध गरेपछि प्रहरीलाई परिचालन गरिएको हो । अवरोध हटाउन २५० प्रहरी परिचालन गरिएको बताइएको छ ।
बञ्चरेडाँडामा फोहोर फाल्न नदिने घोषणा गर्दै आइतबार नेपाली कांग्रेस, नेकपा (माओवादी केन्द्र) र नेकपा (एकीकृत समाजवादी) को धादिङको धुनीबेँसी नगरपालिका समितिले संयुक्त विज्ञप्ति जारी गरेका थिए । राजनीतिक दलहरुको अवरोधकै कारण सोमबार बिहान काठमाडौँबाट गएका कुनै पनि गाडीले बञ्चरेडाँडा ल्यान्डफिल साइटमा फोहोर विसर्जन गर्न पाएका छैनन ।
