काठमाडौं। सर्वोच्च अदालतले संवैधानिक परिषदसम्बन्धी अध्यादेश र त्यसका आधारमा गरिएका नियुक्तिविरुद्ध परेको रिटको सुनुवाई प्रधानन्यायाधीश विनाको संवैधानिक इजलासमा नगर्न अन्तरिम आदेश जारी गरेका छ ।
संवैधानिक इजलासमा प्रधानन्यायाधीश रहने कि नरहने भन्ने विषय महत्वपूर्ण भएकाले तत्काल संवैधानिक नियुक्तिसम्बन्धी सुनुवाइ स्थगित गर्न न्यायधीस हरि फुयालको एकल ईजलासले आदेश दिएको हो । सर्बोच्चको यो आदेश पछि संवैधानिक परिषद्ले गरेका नियुक्ति सम्बन्धी भोलि हुने भनिएको सनुवाइ स्थगित हुने भएको छ ।
संविधानमा प्रधानन्यायाधीशको नेतृत्वमा बाहेक अरुको अध्यक्षतामा संवैधानिक इजलास गठन हुन नसक्ने व्यबस्था भएको भन्दै अधिवक्ता गणेश रेग्मीले रिट दायर गर्नुभएको थियो । इजलासले १५ दिनभित्र प्रधानन्यायाधीशको सहभागिता सम्बन्धमा लिखित जवाफ पेस गर्नसमेत सर्वोच्च ,न्याय परिषद् र कानुन व्यवसायीलाई आदेश दिएको छ। साथै लिखित जवाफ आएको तीन दिनभित्र यस मुद्दाको पेसी तोक्न पनि इजलासले आदेश दिएको छ ।
