काठमाडौँ । नेपाल प्रेस युनियनका वर्तमान कोषाध्यक्ष सरोज अधिकारीले युनियनको आसन्न महाधिवेशनमा अध्यक्ष पदमा उम्मेदवारी दिने घोषणा गरेका छन् । युनियनको नवौँ महाधिवेशन बागमती प्रदेशको राजधानी हेटौँडामा साउन ६ र ७ गते हुँदैछ ।
रेडियो नेपाल, इमेज टेलिभजनलगायत विभिन्न सञ्चारमाध्यममा काम गरिसकेका अधिकारी श्रमजीवी पत्रकारका पक्षमा खरो गरि उत्रँदै आएका अधिकारी प्रेस युनियनमा संगठकका रूपमा समेत चिनिन्छन्।
उनले आफू सँधै श्रमजीवी पत्रकारको साथमा रहेको बताएका छन् । श्रमजीवी पत्रकारको पक्षमा कसैसँग सम्झौता नगर्ने, पत्रकारको हकहित र पेशागत सुरक्षा र पत्रकारको क्षमता अभिवृद्धिका लागि काम गर्ने प्रतिवद्धता समेत उनले व्यक्त गरेका छन्।
