पोखरा । अनेरास्ववियु गण्डकी प्रदेश कमिटी र र राष्ट्रिय युवा संघ नेपाल गण्डकी प्रदेशले गण्डकी प्रदेशका मुख्यमन्त्री कृष्णचन्द्र नेपाली पोखरेलको राजीनामा माग्दै प्रदेशसभा अगाडि प्रदर्शन गरेका छन् ।
गण्डकी प्रदेश सरकारले नेताका आफन्तका नाममा बजेट छुट्याएपछि विरोधस्वरुप उनीहरुले संयुक्त रुपमा गण्डकी प्रदेश सभा घेराउ गरेका हुन् ।
आगामी आवको बजेटमा मुख्यमन्त्री कृष्णचन्द्र नेपाली पोखरेलको बुवाको नाममा खोलिएको ट्रष्टलाई ५० लाख र शिक्षामन्त्री मेखलाल श्रेष्ठका स्वर्गीय बुवा पुननारायण श्रेष्ठ र आमा धनकुमारी श्रेष्ठको नाममा स्थापना गरिएको ट्रष्टका लागि एक करोड बजेट छुट्याइएको थियो ।
आलोचित भएका मुख्यमन्त्री पोखरेलले स्पष्टिकरण दिन बैठक बोलाइएको थियो । संसदभित्र बैठक जारी छ ।
