काठमाडौँ । प्रमुख प्रतिपक्षी दल नेकपा (एमाले) ले सार्वजनिक लेखा समितिको बैठक बहिष्कार गरेको छ । समितिको नेतृत्व विपक्षी दलले पाउने भन्दै एमालेले नेपाली कांग्रेसको नेतृत्वमा रहेको समितिको बैठक बहिष्कार गरेको हो । साथै उसले समितिको सभापतिको राजीनामासमेत मागेको छ ।
मंगलबार बिहान ११ बजे बोलाइएको बैठक ढिलो गरी सुरु भएको थियो र बैठकमा एमाले संसदीय दलका प्रमुख सचेतक विशाल भट्टराई र सांसद गोकुल बाँस्कोटा सहभागी थिए ।
बैठकमा भट्टराई र बाँस्कोटाले विपक्षी दलले नेतृत्व पाउनुपर्ने लेखा समितिमा पछिल्लो एक वर्षदेखि सत्ताधारी कांग्रेसबाट सभापति भएको भन्दै बैठकमा बस्न नसकिने जानकारी गराएर बहिष्कार गरे ।
सभापति फेरिएपछि मात्रै समितिको बैठकमा भाग लिन सकिने एमालले अडान राखेको छ ।
