काठमाडौँ । नेकपा (एमाले) का सचिव योगेश भट्टराईले सरकारले हालै राष्ट्रियसभामा पेश गरेको संवैधानिक परिषद्सम्बन्धी विधेयक तत्काल फिर्ता गर्न माग गर्नुभएको छ ।
सामाजिक सञ्जाल फेसबुकमार्फत उहाँले सार्वभौमसत्ता सम्पन्न जनताका प्रतिनिधिहरुले राष्ट्रिय सहमतिको रुपमा जारी गरेको नेपालको संविधानको अक्षर र भावन विपरीत विधेयक पेश भएको भन्दै विरोध गर्नुभएको छ ।
उहाँले भन्नुभएको छ, “सत्तामा बस्नेहरुले आफ्नो अनुकूल संविधान भत्काउने होइन बरु संविधान अनुकूल चल्ने र संविधानको रक्षा गर्ने दायित्व हुन्छ भन्ने भुल्नु हुँदैन ।”
