काठमाडौँ । कर्णाली प्रदेशका आर्थिक मामिलामन्त्री विन्दमान विष्ट अस्वस्थ भएपछि आज बिहान उपचारका लागि काठमाडौँको मेडिसिटी अस्पताल ल्याइएको छ ।
उनलाई फोक्सो र घाँटीमा समस्या भएको बताइएको छ । बजेट निर्माणको समयदेखि नै अस्वस्थ रहेका मन्त्री विष्टलाई समस्या बढेसँगै दुई दिनअघि कर्णाली स्वास्थ्य विज्ञान प्रतिष्ठानमा भर्ना गरिएको थियो ।
चिकित्सकको सल्लाहमा हवाईजहाजबाट आज बिहान उनलाई उपचारका लागि काठमाडौँ ल्याइएको हो ।
