काठमाडौँ । नेपाली कांग्रेसका महामन्त्री गगन थापाले प्रतिनिधिसभा र प्रदेशसभाको निर्वाचनको मिति घोषणा साउनको पहिलो साता हुने बताएका छन् ।
उनका अनुसार साउन ४ वा ५ गने बस्ने मन्त्रिपरिषद्को बैठकले निर्वाचनको घोषणाबारे निर्णय गर्नेछ । ललितपुरमा आयोजित एक कार्यक्रममा उनले निर्वाचनको मिति घोषणा हुनै लागेको भन्दै कार्यकर्तालाई निर्वाचनमा केन्द्रीत हुन निर्देश दिए ।
मुलुक अब निर्वाचनमा होमिन लागेको भन्दै महामन्त्री थापाले मतदातालाई नाम लेखाउन सहजीकरण गर्न कार्यकर्ताहरुलाई आग्रह गरे ।
