काठमाडौं । काठमाडौं महानगरपालिकाका मेयर बालेन्द्र साह (बालेन)ले पुर्वप्रधानमन्त्री डा.बाबुराम भट्टराईसँग भेट गरेका छन् ।
काठमाडौंको शहरी विकास र सभ्यताको विषयमा छलफल गर्न बालेन भट्टराई निवासमा पुगेका हुन् ।
छलफलमा मेयर बालेनले महानगरका ढलहरु ४० वर्ष पुरानो भएकोले फेर्नुपर्ने बताएका थिए ।
काठमाडौंमा सार्वजनिक सवारीलाई व्यवस्थित बनाउनको लागि एकीकृत ढंगले प्राधिकरण गठन गरेर एकद्वारा प्रणालीबाट सञ्चालन गर्ने योजना पनि बालेनले सुनाएका थिए ।
काठमाडौंको सभ्यता र विकाससँग सँगै कसरी लैजाने भन्नेबारे बाबुराम भट्टराईको रायसमेत बालेनले मागेका थिए ।
भेटघाटपछि भट्टराईले सामाजिक सञ्जाल ट्वीटरमा लेखेका छन् ‘काठमाडौं मनपा मेयर बालेन शाह र टिमसंग महानगरपालिकाका समस्या र योजनाबद्ध विकासवारे सार्थक विमर्श, सफलताको हार्दिक शुभकामना ।’
