काठमाडौँ । नेकपा (माओवादी केन्द्र)का प्रमुख सचेतक देव गुरुङले अमेरिकाको स्टेट पार्टनरसीप प्रोग्राम (एसपीपी) मा सहभागी नहुने पत्र तत्काल पठाउनुपर्ने माग गरेका छन् ।
प्रतिनिधिसभाको बिहीबारको बैठकको शून्य समयमा उनले अमेरिकालाई एसपीपीमा सहभागी नहुने भनी पत्र पठाउन माग गरे ।
मन्त्रिपरिषद्ले एसपीपीमा सहभागी नहुने निर्णय गरेसँगै गृह मन्त्रालयमार्फत सहभागी नहुनेसम्बन्धी पत्र परराष्ट्र मन्त्रालयमा पुगेको भए पनि सो पत्रलाई अहिलेसम्म अमेरिका पठाइएको छैन ।
प्रमुख सचेतक गुरुङले १२ बुँदे व्याख्यात्मक घोषणा गरेर अनुमोदन गरिएको एमसीसीलाई अमेरिकाले अहिलेसम्म स्वीकार नगरेको भन्दै ती घोषणालाई स्वीकार गरे मात्र एमसीसीका कार्यक्रम अघि बढ्ने बताए ।
