काठमाडौं । नेकपा (माओवादी केन्द्र) को केन्द्रीय समिति बैठक भोलि बिहीबार सम्मका लागि स्थगित भएको छ ।
पार्टी अध्यक्षसहित शीर्षनेता संसद् बैठकमा सहभागी हुनुपर्ने भएपछि आजका लागि तोकिएको बैठक बिहीबारसम्मका लागि स्थगन भएको हो । बैठक आज १ बजे बस्ने तय भएको थियो ।
अर्को बैठक बिहीबार बिहान ११ बजे कमलादीस्थित प्रज्ञा–प्रतिष्ठानमा सुरु हुनेछ । शीर्षनेताको कार्यव्यस्तताका कारण केन्द्रीय समिति बैठक मंगलबार पनि स्थगन भएको थियो । माओवादीको बैठक आइतबारदेखि सुरु भएको हो ।
