काठमाडौं । र्याप संगीतको रियालिटी शो ‘नेपहपको श्रीपेच’ का विजेतालाई लगाइएको मुकुटबारे विवाद समाधान भएको छ ।
काठमाडौंका मेयर तथा ‘नेपहपको श्रीपेच’का निर्णायकमध्येका एक बालेन्द्र साह (बालेन)ले आज बज्राचार्य गुरुलाई उक्त मुकुट हस्तान्तरण गरेका हुन् ।
रियालिटी शोको शनिवार आयोजित फाइनलमा मेयर साहले विजेता भाइबर साइमनलाई पञ्चबुद्धको आकृतिसहितको मुकुट पहिर्याइदिएका थिए ।
बौद्ध धर्ममा यस्तो मुखः (मुकुट) बज्राचार्यहरूको पूजामा गुरुहरूले पञ्चअभिषेक दिँदा लगाइदिने परम्परा छ । एउटा सांगीतिक कार्यक्रममा धार्मिक महत्त्वको मुकुट दुरुपयोग गरिएको भन्दै पछिल्लो समय सामाजिक सञ्जालमा आलोचना समेत भएको थियो ।
