काठमाडौँ । प्रधानमन्त्री शेरबहादुर देउवाले जनता समाजवादी पार्टी (जसपा)का तीन नयाँ मन्त्री समावेश गरेर मन्त्रिपरिषद हेरफेर र कार्यविभाजन गर्नुभएको छ । राष्ट्रपति विद्यादेवी भण्डारीले प्रधानमन्त्री शेरबहादुर देउवाको सिफारिसमा जसपाका तीन सांसदलाई नयाँ मन्त्रिपरिषद् हेरफेर र कार्यविभाजन गर्नुभएको हो ।
जसपाबाट मन्त्री हुनेहरुमा भौतिक पूर्वाधार मन्त्रालयमा मोहम्मद इस्तियाक राई, कृषि तथा पशुपन्छी मन्त्रालयमा मृगेन्द्रकुमार सिंह र वन मन्त्रालयमा प्रदीपकुमार यादव रहनुभएको छ ।
उहाँहरुको पद तथा गोपनीयताको शपथ आजै अपराह्न ४ बजे हुने बताइएको छ ।
जसपाले कृषिमन्त्री महिन्द्रराय यादव, भौतिक पूर्वाधारमन्त्री रेणुकुमारी यादव र वन तथा वातावरणमन्त्री रामसहायप्रसाद यादवलाई फिर्ता बोलाएर नयाँ सदस्यको नाम प्रधानमन्त्री देउवासमक्ष सिफारिस गरेको थियो ।
