काठमाडौँ । नेकपा (माओवादी केन्द्र) को केन्द्रीय समितिको बैठकमा पधाधिकारी टुंगो लगाउन माग गरिएको छ ।
आइतबारदेखि सुरु भएको बैठकमा पार्टीका प्रदेश इन्चार्ज तथा अध्यक्षहरुले अहिले बसिरहेको केन्द्रीय समितिकै बैठकबाट पधाधिकारीको टुंगो लगाउन माग गरेका हुन् ।
उनीहरुले समितिको बैठक लम्ब्याएर भए पनि पदाधिकारीको टुंगो लगाउनुपर्ने बताए । पार्टी अध्यक्ष पुष्पकमल दाहाल प्रचण्डले प्रस्तुत गरेको नौ बुँदे एजेन्डामा पदाधिकारी टुंगो लगाउने बारे केही उल्लेख गरिएको छैन ।
