बैतडी । करेन्ट लागेर घाइते भएका एक कामदारको हेलिकप्टरमार्फत उद्धार गरिएको छ । उद्धार गरिनेमा काठमाडौँ टोखा नगरपालिकाका ४० वर्षीय सुमनविक्रम शाह रहेका छन् । उनलाई आज दिउँसो १ बजे बैतडीको खोड्पेबाट उद्धार गरिएको प्रहरी निरीक्षक लोकराज जोशीले जानकारी दिनुभयो ।
नेपाल टेलिकम फोर जी सेवा विस्तारका क्रममा बिहान १० बजे बझाङको चिरवित्थड गाउँपालिकामा करेन्ट लागेर शाह गम्भीर घाइते भएका थिए । गम्भीर घाइते भएका शाहलाई बझाङबाट स्कारपियोमार्फत खोड्पे पु¥याइएको थियो ।
नेपाल टेलिकमको समन्वयमा गम्भीर घाइते भएका शाहलाई माउन्टेन हेलीको हेलिकप्टरबाट उपचारका लागि नेपालगञ्ज लगिएको प्रहरीले जनाएको छ ।
