काठमाडौँ । नवगठित नेकपा एकता राष्ट्रिय अभियानका संयोजक वामदेव गौतमले सचिवालय बैठक बोलाएका छन् । संयोजक गौतमले आफ्नो निवास भैँसेपाटीमा शुक्रबार दिउँसो सचिवालय बैठक बोलाएका हुन् ।
नेकपा (एमाले) का अध्यक्ष केपी शर्मा ओली, नेकपा (माओवादी केन्द्र) का अध्यक्ष पुष्पकमल दाहाल प्रचण्ड र नेकपा (एकीकृत समाजवादी) का अध्यक्ष माधवकुमार नेपालसँग भेट गरेपछि संयोजक गौतमले सचिवालय बैठक बोलाएका हुन् ।
उनले तीनै जनाको नेताको निवासमा गएर भेट गरेका हुन् । भेटमा गौतमले तीनै जना नेतालाई सम्भव भए वाम एकता र एकता नभए आगामी निर्वाचनमा तालमेलको प्रस्ताव राखेको बताइएको छ । उनले तीनै जनालाई लिखितरुपमै प्रस्ताव राखेका हुन् ।
भेटमा संयोजक गौतमलाई अध्यक्षद्वय प्रचण्ड र नेपालले सकारात्मक जवाफ दिएको भए पनि एमाले अध्यक्ष ओली कुनै जवाफ नदिएको बताइएको छ ।
