काठमाडौँ । नेपाली कांग्रेसका नेता रामचन्द्र पौडेलले सरकारको आलोचना गरेका छन् । ६४औँ संसद् दिवसका अवसरमा आयोजित कार्यक्रममा व्यापारीलाई नेपाल आयल निगम दिन खोजेको र किसानलाई रासायनिक मल उपलब्ध गराउन नसकेको भन्दै सरकारको आलोचना गरेका हुन् ।
“अहिले फेरि सुन्दैछु, आयल निगम व्यापारीलाई दिने रे, यस्तो चलखेलमा करोड होइन अर्बका कुरा हुन्छन्,” उनले भने ।
नीतिगत भ्रष्टाचारका कारण सरकारले किसानलाई रासायनिक मल दिन नसकेको भन्दै नेता पौडेलले खेती गर्ने बेलामा मलको हाहाकार हुनु भनेको नीतिगत भ्रष्टाचार भएको बताए ।
