काठमाडौं । कांग्रेसको आसन्न १४ औं महाधिवेशन अन्तर्गत आइतबारका लागि तोकिएको पालिका तहको अधिवेशन सर्ने भएको छ ।
पालिकासहित जिल्ला तहसम्मको अधिवेशनको कार्यतालिका नै हेरफेर गर्ने तयारी कांग्रेसको छ ।
सदस्यताको विवादका कारण वडा तहको अधिवेशन प्रभावित भएपछि कांग्रेसले पुनः कार्यतालिकामा फेरबदल गर्न लागेको हो ।
सभापति एवं प्रधानमन्त्री शेरबहादुर देउवा र वरिष्ठ नेता रामचन्द्र पौडेलबीच कार्यतालिका फेरबदल गर्ने विषयमा सहमति भइसकेको स्रोतले बताएको छ ।
