भारत । गुजरातका मुख्यमन्त्री विजय रुपानीले शनिबार पदबाट राजीनामा दिएका छन् ।
आगामी वर्ष गुजरातमा हुन गइरहेको विधान सभा चुनावअघि रुपानीले अप्रत्याशित रुपमा राजीनामा दिएको भारतीय सञ्चारमाध्यमले जनाएको छ ।
राजीनामा दिँदै प्रधानमन्त्री मोदीकै योजनअनुसार गुजरातको विकास अघि बढ्ने रुपानीले बताएका छन् ।
यस्तै उनले आफूले मुख्यमन्त्रीको रुपमा काम गरेको ५ वर्ष धेरै लामो समय भएको बताउँदै अब भारतीय जनता पार्टीको राष्ट्रिय अध्यक्षको मातहतमा रहेर काम गर्ने बताएका छन् ।
