काठमाडौं । प्रदेश १ प्रदेशसभा नेकपा (एकीकृत समाजवादी) को संसदीय दलको नेतामा राजेन्द्र राई चयन भएका छन् ।
नेकपा एमाले विभाजित भई बनेको नेकपा (एस)को सोमबार बसेको संसदीय दलको बैठकले उनलाई सर्वसम्मतिले नेता चयन गरेको हो ।
राई नेता चयन भएसँगै नेकपा (एस)ले भीम आचार्य नेतृत्वको सरकारलाई समर्थन नगर्ने निर्णयसमेत गरेको छ । नेकपा (एस)ले आचार्य सरकारलाई समर्थन नरहेको पत्र सोमबारै प्रदेश प्रमुखलाई बुझाउने पनि बताएको छ ।
जसअनुसार नेकपा एसले समर्थन नगरेपछि आचार्य सरकार अल्पमतमा परेको छ । ९३ सदस्यीय प्रदेशसभामा हाल ९२ सदस्यीय कायम छ। एमालेका ५१ सदस्य रहेकोमा १० जना नेकपा (एस)मा गएपछि उसँग अब ४१ सदस्यमात्र भएका छन् । त्यसमध्ये एकजना सभामुख र एकजना निलम्बनमा रहेकाले मतदान गर्न पाउने एमाले सांसदको संख्या ३० मात्र छ ।
यस्तै कांग्रेसको २१, माओवादी केन्द्रको १५ र जनता समाजवादीसँग ३ सिट रहेको छ ।