काठमाडौं । अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) सम्झौताको विरोधमा नेकपा (विप्लव समूह)ले काठमाडौंमा विरोध प्रदर्शन गरेको छ ।
काठमाडौको त्रिपुरेश्वर, लैनचौर र बबरमहलबाट नारा लगाउँदै सो समूहको जुलुस निस्किएको छ । जुलुसको नेतृत्व विभिन्न नेताहरूले गरेका छन् । प्रदर्शनकारीले राष्ट्रघाती एमसीसी परियोजना खारेज गरौं, राष्ट्रिय सार्वभौमिकताको रक्षा गरौंजस्ता नारा लगाएउँदै सडकमा उत्रिएका छन् ।
प्रदर्शनमा महासचिव नेत्रविक्रम चन्द विप्लव, नेताहरु खड्गबहादुर विश्वकर्मा, हेमन्तप्रकाश वलीलगायतका नेताहरु पनि सहभागी छन् । मूल जुलुसको नेतृत्वमा रहेका महासचिव विप्लवले सभालाई सम्बोधन गर्ने बुझिएको छ ।
