एजेन्सी । बलिउड अभिनेता अक्षय कुमारकी आमा अरुणा भाटियाको ८ सेप्टेम्बरमा निधन भएको थियो ।
उनको निधनमा अक्षयका फ्यानदेखि लिएर कैयौं सेलिब्रिटीहरुले अक्षयकी आमालाई श्रद्धाञ्जली व्यक्त गरेका छन् ।
हालै भारतीय प्रधानमन्त्री नरेन्द्र मोदीले पनि एक लामो पत्र लेख्दै अक्षयकी आमाको निधनमा शोक व्यक्त गरेका छन् ।
अक्षयले उक्त मोदीको पत्र सामाजिक सञ्जालबाट सार्वजनिक गर्दै लेखेका छन्, ‘आमाको निधनपछि आएका सबै शोक सन्देशहरुका लागि तपाई सम्पूर्णमा आभारी छु । मेरो र मेरा दिवंगत आमा–बुबाको लागि समय निकाल्दै आफ्नो भावना व्यक्त गरेकोमा माननीय प्रधानमन्त्रीको आभारी छु । यो सहानुभूति दिने शब्द सँधै मेरो सम्झनामा रहनेछ । जय अम्बे’
