काठमाडौं । आईसीसी विश्वकप क्रिकेट लिग–२ अन्तर्गतको त्रिकोणात्मक एकदिवसीय अन्तराष्ट्रिय सिरिजको दोस्रो खेलमा नेपाल र ओमानबीचको खेल जारी छ ।
ओमानको अल अमिरात क्रिकेट मैदानमा घरेलु टिमविरुद्ध टस जितेर पहिले ब्याटिङ रोजेको नेपालले ओमानसामु ४७.४ ओभर खेल्दै १९७ रनको लक्ष्य प्रस्तुत गरेको छ । नेपालका लागि आशिफ शेखले सर्वाधिक ११२ बलमा ९० रनको योगदानी दिए । उनले ७ चौका र १ छक्का प्रहार गरे ।
उनले बाहेक अन्य नेपाली खेलाडीले त्यती राम्रो स्कोर बनाउन सकेनन् । कप्तान ज्ञानेन्द्र मल्लले ३३ बलमा २१ रन, रोहित पौडेलले ३४ बलमा २० रन बनाए । सन्दीप लामिछानेले १ चौका र १ छक्का प्रहार गर्दै १० बलमा १६ रन बनाए ।
यता ओमानका लागि बिलाल खानले १० ओभरमा १ मेडनसहित ४७ रन खर्चिएर ४ विकेट लिए । यस्तै नेस्टर धाम्वाले ५ ओभरमा २५ रन खर्चिएर २ विकेट लिए । मोहम्मद नदिमले ७ ओभरमा २६ रन खर्चिएर १ विकेट लिए ।