काठमाडौँ । काठमाडौँ महानगरपालिकाका प्रमुख बालेन साहले गाली र आलोचना नै सुन्ने भए आफ्नै महानगरमा आफ्नै महानगरबासीहरूको सुन्ने बताएका छन् ।
हेटौँडामा आयोजित स्थानीय सरकारको बैठकमा काठमाडौँ र काठमाडौँबासीसँग सम्बन्धित नभएको कार्यक्रममा काठमाडौँबासीलाई गाली गरी समय र ऊर्जा खर्चिएको उनले बताएका छन् ।
तीन दिनका लागि आयोजना गरिएको बैठक काठमाडौँ महानगर प्रमुख बालेन र उपप्रमुख सुनिता डंगोलले एक दिनमात्र बैठकमा बसेर छोडेका थिए ।
एक विज्ञप्ति जारी गर्दै बालेनले बैठक छोड्नुपरेको बारे स्पष्टीकरणसमेत दिएका छन् । “मलाई व्यक्तिगतरूपमा आलोचना वा गाली गर्न पाइयो तर काठमाडौँ र काठमाडौँबासीसँग सम्बन्धित नै नभएको कार्यक्रममा काठमाडौँलाई गाली गर्न किन समय र ऊर्जा खर्चिने रु मेरो प्रश्न यति हो”, बालेनले एक विज्ञप्ति जारी गर्दै भनेका छन्, “काठमाडौँ केबल राजधानीमात्रै होइन, अझ बागमती प्रदेशको लागि त एउटा पालिका मात्रै हो तर काठमाडौँ कसैको जन्मभूमि, कसैको कर्मभूमि हो। गाली गरिराख्ने तर मौका पाउँदा पनि केही नगर्ने ठाउँ÷कार्यक्रममा बस्ने औचित्य नदेखेर मैले हिजोको कार्यक्रम छोडेको हुँ ।”
उनले सोमबार साँझ फेसबुकमा स्ट्याटस राख्दै ‘बागमती प्रदेशले आयोजना गरेको काठमाडौँ महानगरलाई गाली गर्ने कार्यक्रममा सहभागी भएर धेरै खुशी लागेको’ बताएका थिए।
