काठमाडौं । प्रेस काउन्सिल नेपालले हरेक वर्ष वार्षिकोत्सवका अवसरमा प्रदान गर्दै आएको पुरस्कारबाट यसवर्ष पनि विभिन्न सञ्चार जगतमा रहेका प्रत्रकारहरुलाई सम्मानित गर्ने भएको छ ।
पुरस्कारलगायत विभिन्न विषयमा छलफल गर्न अध्यक्ष बालकृष्ण बस्नेतको अध्यक्षतामा बसेको बोर्ड बैठकले निम्न पत्रकार एवं सञ्चारमाध्यमलाई पुरस्कृत गरेको प्रेस काउन्सिल नेपालले विज्ञप्तीमार्फत जानकारी दिएको छ ।
यस्तै यस वर्ष पुरस्कृत हुने सम्पूर्ण पत्रकार तथा सञ्चार माध्यमलाई पत्रकारिता क्षेत्रलाई मर्यादित बनाउन र आचारसंहिताको पूर्ण पालना गराई विश्वसनीयता जगाउन यस पुरस्कारले प्रोत्साहित गर्नेमा काउन्सिलले विश्वास लिएको बताएको छ ।
प्रेस काउन्सिल गोपालदास पत्रकारिता पुरस्कारबाट वरिष्ठ पत्रकार भारतदत्त कोइराला, प्रेस काउन्सिल सुरेन्द्रबहादुर बस्नेत पत्रकारिता पुरस्कारबाट वरिष्ठ पत्रकार बद्रीविनोद खनाल ‘प्रतीक’ सम्मानित हुनुभएको छ । यस्तै प्रेस काउन्सिल आचारसंहिता पुरस्कार हिमालय टाइम्स दैनिकलाई प्रदान गरिएको छ भने प्रेस काउन्सिल सशक्त सञ्चारकर्मी पुरस्कार विमल गौतम र दुर्गालाल केसीलाई प्रदान गरिएको छ ।
यसैगरी प्रेस काउन्सिल क्रियाशिल पत्रकारिता पुरस्कारबाट माधव नेपाल, विन्दुकान्त घिमिरे, गोविन्दप्रसाद चौलागाईँ, रामचन्द्र गुप्ता, बासुदेव शर्मा, सुशील अर्याल र रमेश ढुंगेल सम्मानित हुनुभएको छ । अन्य सम्मानित हुने पत्रकार तथा सञ्चारगृह निम्नानुसार रहेको छ ।