काठमाण्डौ । विद्युत् प्रसारण लाइनको टावर हुँदै तारमा पुगेर दिनभर विभिन्न निकायलाई तनाव दिएका व्यक्तिको उद्धार भएको छ ।
नेपाली सेनाले नुवाकोटको ककनी गाउँपालिका–७ को टावरबाट तारमा पुगेका व्यक्तिको लिखु गाउँपालिकाबाट उद्धार गरेको हो ।
उनको उद्धार गर्नका लागि तालिमप्राप्त सेनाको टोली हेलिकप्टरसहित खटिएको थियो ।
नुवाकोटकै बेलकोटगढी घर भएका उनको मानसिक सन्तुलन बिग्रिएको प्रहरीले जनाएको छ ।
शनिबार करिब १० बजे तीर स्थानीय बासिन्दाले उनि तारमा चढेको देखेपछि प्रहरीलाई खबर गरेका थिए । प्रहरीले तल झर्नका लागि आग्रह गरेपनि उनले टेरेका थिएनन् ।
मानिस तारमा हिडेपछि माथिल्लो त्रिशुली थ्री ए को उत्पादन चार घण्टादेखि बन्द गरिएको थियो ।
