स्पेनी टेनिस खेलाडी राफायल नाडालले पुरुष एकलतर्फको फ्रेन्च ओपन उपाधि जितेका छन् । रोलाँ ग्यारोसको क्ले कोर्टमा नाडालले विश्वका आठौं वरियताका नर्वेजियन खेलाडी क्यास्पर रुडलाई सोझो तीन सेटमा पराजित गरेका थिए ।
३६ वर्षीय नाडालले ६-३ ६-३ र ६-० ले खेल जित्दै जीवनमै २२ औं ग्रान्डस्लाम उपाधि उचालेका छन् । विश्वमै सबैभन्दा बढी ग्रान्डस्लाम उपाधि जित्ने उनी पहिलो खेलाडी पनि हुन् । नोभाक जोकोभिच र रोजर फेडररले समान २०-२० वटा ग्रान्ड स्लाम उपाधि जितेका छन् ।
साथै नाडालले १४ औं पटक फ्रेन्च ओपनको उपाधि हात पारेका हुन् ।
रोलाँ ग्यारोसमा खेल हेर्न स्पेनी राजा फिलिपे छैटौं र नर्वेका राजकुमार हाकोन पनि उपस्थित थिए ।
शनिबार सम्पन्न महिला एकल उपाधि इगा स्वाइटेकले जितेकी थिइन् । उनले अमेरिकी खेलाडी कोको गफलाई पराजित गरेकी थिइन् ।
