धनगढी । सुदूरपश्चिम प्रदेशमा नेकपा एकीकृत समाजवादीबाट दुई जना मन्त्री नियुक्त हुने भएका छन् ।
मुख्यमन्त्री त्रिलोचन भट्टले एकीकृत समाजवादीका प्रदेशसभा सदस्य तारा लामा तामाङ र माया तामाङ बोहरालाई मन्त्री नियुक्त गर्न लागेका हुन् ।
मुख्यमन्त्री भट्टले तारा लामा तामाङलाई आर्थिक मामिला मन्त्री र माया तामाङ बोहरालाई अर्थ राज्यमन्त्रीमा नियुक्त गर्ने तयारी गरेका हुन् ।
शुक्रबार साँझ नै उनीहरूलाई पद तथा गोपनीयताको सपथ लिने तयारी रहेको बताइएको छ ।
तारालामा तामाङ तत्कालीन नेकपा एमालेबाट कञ्चनपुरबाट निर्वाचित सांसद हुन् भने बोहरा बझाङबाट समानुपातिक सांसद हुन् ।