काठमाडौ । आइतबार असोज ३ गते सातौँ संविधान दिवस । २०६२÷६३ को जनआन्दोलन पछि मुलुक लोकतान्त्रिक गणतन्त्रमा प्रवेश ग¥यो । तत्कालीन प्रधानमन्त्री शेरबहादुर देउवा राजा ज्ञानेन्द्र शाहबाट अक्षमको आरोपित हुँदै बिघटन भएको प्रतिनिधिसभा पुनः स्थापना भयो ।
जन आन्दोलनमा सहकार्य गरेको नेकपा माओवादी पनि शान्ति प्रक्रियामा सहभागी भएर पुनस्र्थापित प्रतिनिधिसभाका ८३ सदस्य सहित मन्त्रिमण्डलमा सहभागी भयो । त्यसपछि भएको पहिलो संविधान सभा निरर्थक रह्यो । दलहरुबीचको महत्वकाँक्षा, दाउपेचको राजनीतिको शिकार संविधानसभा भयो ।
दोस्रो पटक भएको संविधानसभाको निर्वाचनले धेरै सहमति, केही असहमति सहितको संविधान असोज ३ गते जारी ग¥यो । यो अवस्थामा आइपुग्न लोकतान्त्रिक आन्दोलनको ठूलो योगदान रहेको छ ।
२१ दिने आन्दोलनको मुख्य दिन मध्येको एक दिन जुन दिन नेपाली काँग्रेसका तत्कालीन सभापति गिरिजाप्रसाद कोइराला गिरफ्तारीका पर्नुभएको थियो भने घाइते समेत हुनु भएको थियो ।
वर्तमान राष्ट्रपति विद्यादेवी भण्डारी सडकमा आन्दोलनको मोर्चाका क्रियाशील हुनुहुन्थ्यो । यस्तै ८४ वर्षीय छायाँदेवी पराजुली दैनिक आन्दोलनमा आएर आन्दोलनकारीको शक्तिमा उर्जा भर्नुहुन्थो । हामीले यही ऐतिहासिक आन्दोलनको विशेष भिडियो प्रस्तुत गरेका छौं ।
