काठमाडौं । नेकपा एमालेका अध्यक्ष केपी शर्मा ओलीले प्रतिनिधिसभा विघटनको निर्णय बाध्यताको परिणाम भएको बताएका छन् ।
आइतबार बसेको स्थायी कमिटी बैठकमा पेश भएको राजनीतिक प्रतिवेदनमा अध्यक्ष ओलीले बाध्यताका कारण संसद् विघटन गर्नुपरेको उल्लेख गरिएको एक स्थायी कमिटी सदस्यले भने । यसअघि पनि ओलीले संसद् विघटन बाध्यता भएको बताउने गरेका थिए ।
२०७७ पुस ५ मा विघटन गरेको संसद् सर्वोच्च अदालतले बदर गरिदिएपछि ओलीले २०७८ जेठ ७ मा पुनः विघटन गरेका थिए । तर दोस्रो पटक पनि पार्टीभित्रै असहयोग हुँदा संसद् विघटन गर्नु बाध्यता बनेको अध्यक्ष ओलीले प्रष्टिकरण दिएका छन् ।
तर दश बुँदे सहमति गरी एमालेमै बसेका नेताहरुले भने संसद् विघटन असंवैधानिक र प्रतिगामी कदम भएको दावी गर्दै आएका छन् ।
