काठमाडौँ । नेपाल प्रहरीको महानिरीक्षक (आईजीपी) मा आफूहरुभन्दा कनिष्ठ अतिरिक्त महानिरीक्षक (एआईजीपी) लाई नियुक्त गर्ने सरकारको निर्णय बदरको मागसहित वरिष्ठ अतिरिक्त महानिरीक्षकद्वय विश्वराज पोखरेल र सहकुल थापा सर्वोच्च अदालत गएका छन् ।
मन्त्रिपरिषद्को आइतबार बसेको बैठकले पोखरेल र सहकुल थापाभन्दा १६ महिना कनिष्ठ अतिरिक्त महानिरीक्षक धीरजप्रताप सिंहलाई आईजीपीमा नियुक्त गरेको थियो । नवनियुक्त आईजीपी सिंहले सोमबार बिहानै आईजीपीको दर्ज्यानी चिह्नसमेत लगाइसकेका छन् ।
सरकारले वरियता मिचेर कनिष्ठलाई आईजीपी बनाएको भन्दै पोखरेल र थापाले अदालत जाने बताएका थिए ।
