इस्लामाबाद । इमरान खान देशको इतिहासमा अविश्वासको मत गुमाउने पहिलो नेता बनेपछि नयाँ प्रधानमन्त्री चयन गर्नको लागि पाकिस्तानको संसद बैठक बस्न लागेको छ।
एक हप्ता लामो संवैधानिक सङ्कटपछि विपक्षी नेता शहबाज सरिफ प्रधानमन्त्री बन्ने बलियो सम्भावना छ ।
खानको पाकिस्तान तहरीक–ए–इन्साफ (पीटीआई) पार्टीले पूर्व विदेशमन्त्री शाह महमूद कुरैशीलाई आफ्नो उम्मेदवारको रूपमा मनोनयन गरेको छ।
पीटीआईले यदि कुरैशी हारे भने संसद्का आफ्ना सदस्यहरूले सामूहिक राजीनामा दिने बताएको छ । पीटीआईका सांसदहरुले सामूहिक राजीनामा दिए भने सम्भावितरुपमा उनीहरूको सीटहरूका लागि तत्काल उप–चुनावको आवश्यकता सिर्जना गर्नेछ। एजेन्सी
