काठमाडौँ । नेपालका लागि अस्ट्रेलियाका राजदूत फेलिसिटी भोल्कले ग्लोबल एकेडेमी अफ टुरिज्म एन्ड हस्पिटालिटी एजुकेशनमा टीएएफई एनएसडब्लु–कमर्शियल कुकरीमा अन्तर्राष्ट्रिय प्रमाणपत्र ३ का स्नातकहरूलाई बधाई दिनुभएको छ ।
उहाँले द प्रोफेसनल रिम्याज २०२१ का विजेता नेपाली सेफ सन्तोष साह र उनका मास्टर सेफ साथी एलेक्स, बार्ट भान डेर ली र सेफ फिली लगायत बीबीसी वनका मास्टरसेफहरुलाई पनि धन्यवाद दिनुभयो । सन्तोष साहसहितका सेफहरुले स्नातक विद्यार्थीहरुलाई प्रेरणादायक सम्बोधन गर्नुभएको थियो ।
राजदूत भोल्कले सेफ सन्तोषलाई ‘नेपाली खानालाई विश्वको नक्सामा राखेकोमा’ बधाई समेत दिनुभयो ।
उच्च गुणस्तरको अस्ट्रेलियाली प्रमाणित नोकरीका लागि तयार व्यावसायिक कुकरी तालिम प्रदान गर्न गेट कलेज र टीएएफई एनएसडब्लले सन् २०१५ देखि सँगै काम गर्दै आएका छन् ।
